Наурыз келді еліме. Наурыз келді жеріме, Бақыт байлық тілеймін, Бүкіл қазақ еліне! N1санаториялық бөбекжай-бақшасы, "Бал мекендегі Ұлы күн! Құтты болсын Ұлыс күн!" атты Наурыз мерекесіне орай мерекелік іс - шара ұйымдастырылды.Мерекелік іс - шарада бөбекжай - бақша тəрбиеленушілері өз өнерлерін көрсетіп, Алдармен бірге ұлттық ойын ойнап көңіл көтерді. Мерекеге келген қонақтар жақсы тілектер тілеп,балалардың өнерін тамашалады. Наурыз - жылдың басы, күн мен түннің теңеліп, жер шуаққа кенелетін күні! Наурыз - іргесі сөгілмеген бірліктің берекесі, төгілмес тірліктің мерекесі! Ұлыстың Ұлы күні- Наурыз мерекесімен шын жүректен құттықтай отырып, əр шаңыраққа бақыт пен шаттық, ырыс пен несібе, ынтымақ пен бірлік, елімізге береке тілейміз! Тəуелсіздігіміз тұғырлы, халқымыз аман, бейбітшілік заман болсын!
